मध्य रेल्वेचे महाव्यवस्थापक अनिल कुमार लाहोटी यांचा पाहणी दौरा

मध्य रेल्वेचे महाव्यवस्थापकांनी मुंबई- ठाणे उपनगरीय विभागाचे निरिक्षण केले

मुंबई – अनिल कुमार लाहोटी, महाव्यवस्थापक मध्य रेल्वे यांनी  छत्रपती शिवाजी महाराज टर्मिनस पाहणी दौरा सुरु केला आणि ठाणे दरम्यान मुंबई विभागाच्या उपनगरीय विभागाचेही  निरिक्षण केले.  शलभ गोयल, विभागीय रेल्वे व्यवस्थापक, मुंबई विभाग आणि इतर वरिष्ठ अधिकारी यावेळी उपस्थित होते.

अनिल कुमार लाहोटी यांनी छत्रपती शिवाजी महाराज टर्मिनस मुंबई येथून पाहणी करण्यास सुरुवात केली.  त्यांनी ठाणे आणि दिवा दरम्यान ६व्या मार्गाच्या प्रगतीपथावरील कामाचा आढावा घेतला.  ठाणे स्थानकात पुरविल्या जाणाऱ्या आणि  असलेल्या पायाभूत सुविधांच्या कामांचा त्यांनी आढावा घेतला. यावेळी त्यांनी ठाणे महानगरपालिकेसह इंडियन रेल्वे स्टेशन डेव्हलपमेंट कॉर्पोरेशन लिमिटेड (IRSDC) द्वारे विकसित होत असलेल्या पूर्वेकडील विद्यमान स्टेशन (SATIS) प्रकल्पावरील मल्टी-मोडल ट्रान्झिट हबचा स्टॉक घेतला. या प्रकल्पामुळे ठाणे स्थानकावरील वाहतूक कोंडी कमी होण्यास मदत होईल.

अनिल कुमार लाहोटी यांनी नंतर शीव स्टेशनला भेट देऊन स्टेशनची पाहणी केली आणि सर्व संबंधित अधिकारी आणि तज्ञांशी पाणी साठण्याच्या मुख्य समस्येवर सविस्तर चर्चा केली.  त्यांनी शीव आणि चुनाभट्टीच्या स्टेशन परिसरात आणि आजूबाजूला जोडलेल्या मिठी रिव्हर बेड, सर्व स्टॉर्म वॉटर ड्रेन सिस्टमची पाहणी दिली.  ट्रॅकमध्ये पाणी साचू नये यासाठी घेण्यात येत असलेल्या प्रयत्नांवर त्यांनी सविस्तर चर्चा केली.  या दरम्यान  स्टेशन परिसरातून पाणी काढण्यासाठी कार्यरत असलेल्या विविध पंपिंग स्टेशनचीही पाहणी केली.  स्टेशन भागात असुरक्षित ठिकाणी पाणी साचू नये यासाठी आवश्यक असलेल्या पुढील कृती योजनेबद्दलही त्यांनी चर्चा केली.

यानंतर लाहोटी यांनी सूक्ष्म बोगद्याच्या कामाची पाहणी केली.   सँडहर्स्ट रोडवर ट्रॅकमध्ये पाणी साचू नये यासाठी  पालिका अधिकाऱ्यांच्या सहकार्याने रेल्वेद्वारे मशिद स्टेशनवर सूक्ष्म बोगद्याचे काम प्रगतीपथावर आहे. निरिक्षणादरम्यान सर्व कोविड -१९ प्रोटोकॉल काटेकोरपणे पाळले गेले.

 2,440 total views,  12 views today

Leave a Reply

Your email address will not be published. Required fields are marked *