ठाणे – स्टेम वॉटर डिस्ट्री.अँन्ड इन्फा.कंपनी प्रा.लि.यांनी देखभाल दुरुस्तीची महत्वाची कामे हाती घेतल्यामुळे ठाणे शहराला होणारा पाणी पुरवठा शुक्रवार २१ मे २०२१ रोजी सकाळी ०९.०० ते शनिवार २२ मे २०२१ सकाळी ०९.०० वाजे पर्यंत बंद राहणार आहे.
या दिवशी ठाणे महापालिकेच्या स्वतःच्या पाणी पुरवठा योजनेमधुन ठाणे शहराला टप्याटप्याने पाणी देण्याचे नियोजन केले असून त्यानुसार शुक्रवारी २१ मे रोजी सकाळी ९.०० ते संध्याकाळी ९.०० वाजेपर्यंत शहरातील घोडबंदर रोड, पातलीपाडा, हिरानंदानी इस्टेट, ब्रम्हांड, विजय नगरी, गायमुख, गांधीनगर, सुरकरपाडा, बाळकुम, माजिवाडा, मानपाडा, कोठारी कंम्पाउंड, पवारनगर तसेच आझादनगर या भागाचा पाणी पुरवठा बंद राहणार आहे. तसेच शुक्रवार संध्याकाळी ९.०० ते शनिवार सकाळी ९.०० वाजेपर्यंत कळवा, साकेत, रुतुपार्क, सिद्धेश्वर, जेल टाकी, जॉन्सन, इंटरनिटी, समता नगर व मुंब्राचा काही भाग याठिकाणी पाणी पुरवठा बंद राहणार आहे. या शटडाऊनमुळे पाणीपुरवठा पूर्वपदावर येईपर्यत पुढील १ ते २ दिवस कमी दाबाने पाणीपुरवठा होण्याची शक्यता आहे. तरी नागरिकांनी पाण्याचा योग्य तो साठा करुन महानगरपालिकेस सहकार्य करावे असे आवाहन पाणीपुरवठा विभागाच्यावतीने करण्यात आले आहे.
453 total views, 1 views today