ठाणे – ठाणे महापालिकेच्या 2017 रोजी झालेल्या सार्वत्रिक निवडणुकीत गुन्हे विषयक सत्य प्रतिज्ञापत्र निवडणूक विभागाला सादर न केल्याने भाजपचे नगरसेवक अशोक राऊळ यांच्या विरोधात शिवसेनेचे उमेदवार मंदार विचारे यांनी न्यायालयात धाव घेतली होती. यापूर्वी ठाणे न्यायालयाने अशोक राऊळ यांचे नगरसेवक पद रद्द केले होते. परंतु खालच्या कोर्टाच्या या निर्णयाविरोधात अशोक राऊळ यांनी उच्च न्यायालयात धाव घेतली होती. उच्च न्यायालयाने देखील खालच्या न्यायालयाचा निर्णय कायम ठेवत, राऊळ यांचे नगरसेवक पद रद्द केले आहे. सोमवारी यासंदर्भात उच्च न्यायालयात निकाल जाहीर करण्यात आला. येत्या 8 महिन्यावर आलेल्या ठाणे महापालिका निवडणुकी आधी हा निकाल आल्याने ठाणे भाजप ला हा मोठा धक्का मानला जात आहे.
628 total views, 1 views today