कोरोनामुळे निधन झालेल्या पत्रकारांच्या कुटुंबियांना डॉ श्रीकांत शिंदे फौंडेशनकडून धनादेश सुपूर्द
मुंबई : पत्रकारांच्या पाठीशी राज्य सरकार ठामपणे उभे असल्याचे प्रतिपादन राज्याचे नगरविकास तथा सार्वजनिक बांधकाम एकनाथ शिंदे यांनी आज केले. कोरोनामुळे निधन झालेल्या पत्रकारांच्या कुटुंबियांना आज डॉ श्रीकांत शिंदे फौंडेशनकडून मदत करण्यात आली.
कोरोनाच्या संकटकाळात आपला जीव धोक्यात घालून काम करणाऱ्या काही पत्रकारांना आपले प्राण गमवावे लागले.या खऱ्या कोविड योध्याच्या कुटुंबियांना डॉ श्रीकांत शिंदे फौंडेशनकडून आर्थिक मदतीचे धनादेश सुपूर्द करण्यात आले. राज्याचे नगरविकास तथा सार्वजनिक बांधकाम मंत्री एकनाथ शिंदे यांच्या हस्ते मंत्रालयातील दिवंगत पत्रकारांच्या कुटुंबीयांच्या तसेच नातेवाईक उपस्थित नसलेल्या पत्रकार बांधवांचे चेक पत्रकार संघटनाच्या प्रतिनिधी कडे सुपूर्द करण्यात आले. यावेळी मंत्रालयातील जेष्ठ पत्रकार जयंत करजवकर , News 18 लोकमतच्या मुंबई कार्यालयात काम करणारे पत्रकार विठ्ठल मांजरेकर , तसेच संभाजीनगर येथील सामनाचे पत्रकार राहुल डोलारे यांच्या कुटुंबियांना मदत करण्यात आली.
यावेळी मंत्रालय व विधिमंडळ वार्ताहर संघाचे अध्यक्ष दिलीप सपाटे, उपाध्यक्ष दीपक भातुसे, माजी कार्यवाह प्रमोद डोईफोडे, सोनू श्रीवास्तव तसेच इलेक्ट्रॉनिक मीडिया प्रतिनिधी मयुरेश गणपते, राजू सोनवणे आदि उपस्थित होते.तसेच शिवसेना वैद्यकीय मदत कक्ष प्रमुख मंगेश चिवटे हे देखील उपस्थित होते.
270 total views, 1 views today