नरेंद्र मोदींच्या वाढदिवसानिमित्ताने ४५० रुग्णांना फळेवाटप
शहापुर (शामकांत पतंगराव): पंतप्रधान नरेंद्र मोदी यांच्या ७० व्या वाढदिवसानिमित्ताने आयोजित करण्यात आलेल्या सेवा सप्ताहात जिल्हा संघटक सिद्धेश कपिल पाटील यांच्या वतीने भिनार कोविड सेंटरमधील वैद्यकिय कर्मचाऱ्यांना ५० पीपीई किट देण्यात आल्या. तसेच भिनार व आसनगाव येथील सेंटरमधील ४५० हून अधिक रुग्णांना फळवाटप करण्यात आले.
ठाणे जिल्ह्याच्या ग्रामीण भागात कोरोना रुग्णांमधील रोगप्रतिकारक शक्ती वाढविण्यासाठीही प्रयत्न केले जात आहेत.भाजपाचे खासदार तथा प्रदेश उपाध्यक्ष कपिल पाटील व मुरबाडचे आमदार तथा ठाणे जिल्हा ग्रामीणचे अध्यक्ष किसन कथोरे यांच्या सुचनेनुसार सेवा सप्ताहानिमित्ताने भाजपाचे जिल्हा संघटक सिद्धेश पाटील यांच्या वतीने भिनार व आसनगाव येथील सेंटरमधील ४५० हून अधिक रुग्णांना फळवाटप करण्यात आले. तसेच भिनार येथील डॉक्टरांकडे ५० पीपीई किट प्रदान केल्या. भाजयुमोचे जिल्हाध्यक्ष श्रीधर पाटील शहापूर शहर अध्यक्ष विवेक नार्वेकर जगन पाटील, निलेश गुरव, योगेश भोईर यांनी भिनार कोविड सेंटरच्या प्रवेशद्वारावर डॉक्टरांकडे फळांचे पॅकेट व पीपीई किट प्रदान केल्या. तसेच सिद्धेश पाटील यांच्या वतीने रुग्णांना उत्तम आरोग्यासाठी शुभेच्छा दिल्या.
560 total views, 1 views today