रोटरी क्लब आणि मनसे आमदार राजू पाटील यांच्या संयुक्त प्रयत्नाने होणार उपक्रम
कल्याण: ठाणे, डोंबिवली, कल्याण, उल्हासनगर, अंबरनाथ परिसरात कोरोना बधितांचा आकडा हा झपाट्याने वाढत आहे. त्यामुळे मनसे आमदार राजू पाटील,रोटरी इंटरनॅशनल,रोटरी क्लब ऑफ क्राऊन सिटी, रोटरी क्लब ऑफ ठाणे आणि ठाणे वेस्ट यांच्या सह योगिराज कंपनी आणि डोंबिवली मधील डॉटमंट कंपनी यांच्या संयुक्त विद्यमाने आरोग्यसेवा देणाऱ्या आवश्यक अश्या वस्तूंचा पुरवठा केला जाणार आहे.
ठाणे महापालिका क्षेत्र, केडीएमसी, उल्हासनगर, अंबरनाथ क्षेत्रातील हॉस्पिटल,दवाखाने आणि आत्यावश्यक सेवा देणाऱ्यांना आवश्यक अश्या साहित्याचा पुरवठा केला जाणार आहे. यामध्ये ३००० कॉटन मास्क, ३००० एन ९५ मास्क, ५५०० पीपीई किट्स आणि हँड सॅनिटाईझर वितरित करण्यात येणार आहेत. या साहित्याचे बाजार मूल्य हे ३२ लाख ५० हजार रुपये आहे. यासाठी रोटरी इंटरनॅशनची मोठी मदत आणि योगिराज, डॉट मंट या कंपन्यांनी आपले सीएसआर फंड देखील दिला आहे.
रोटरी क्लबचे मोहन चांदरकर,विक्रम कागदे, स्वप्नील गायकर, सूचित गडकरी, अच्युत दामले यांच्यासह या उपक्रमात विशेष सहकार्य हे विक्की रमेश पाटील यांनी केले आहे. सदर वस्तूंची पाहणी करण्यात आली तसेच वाटपाचे नियोजन सुद्धा करण्यात आले. यावेळी रोटरीचे डॉ.मयुरेश वारके आणि इतर मेम्बर्स उपस्थित होते. तसेच मनसे आमदार पाटील, प्रदेश उपाध्यक्ष राजेश कदम, जिल्हा संघटक हर्षद पाटील, सागर जेधे आणि उदय चेउलकर उपस्थित होते.
427 total views, 2 views today