पतंजली योग पीठाच्या वतीने करण्यात आले होते आयोजन
कल्याण : भाजपा भटके विमुक्त आघाडीचे प्रदेश संयोजक तथा कल्याण पश्चिमचे माजी आमदार नरेंद्र पवार यांना कोरोनाची लागण झाली आहे. ते सध्या रुग्णालयात उपचार घेत असून त्यांची प्रकृती लवकर बरी व्हावी यासाठी पतंजली योग पीठ, कल्याणच्या वतीने हवन आणि महामृत्युंजय मंत्र पठण करून प्रार्थना केली.
कोरोना प्रादुर्भावाच्या काळात गेली सलग ३ ते ४ महिने नरेंद्र पवार यांनी सक्रियपणे काम करत कल्याण पश्चिममध्ये सामाजिक योगदान दिले आहे. विविध रुग्णालयात भेटी देत पाहणी केली होती, डॉक्टर व परिचरिकांना पिपिई गाऊन वाटप, गरजूंना अन्नधान्य वाटप, भोजन वाटप,स्वस्त दरात भाजीपाला उपलब्ध करून दिला. तसेच कोरोनाचा प्रादुर्भाव होऊ नये म्हणून कल्याण शहरातील एक लाख नागरिकांना आर्सेनिक अल्बम गोळ्यांचे वाटपही करण्यात आले आहे. मात्र हे काम करत असताना त्यांना कोरोनाचा प्रादुभाव झाला आहे. नरेंद्र पवार यांच्या प्रकृतीत सुधारणा व्हावी व लवकर कोरोनामुक्त व्हावेत यासाठी पतंजली योग पीठाने हा कार्यक्रम आयोजित केला होता. त्याला मोठ्या प्रमाणात प्रतिसाद मिळाला.
665 total views, 2 views today