आरोपींचा तातडीने शोध घेऊन अटक करुन कायदेशीर कारवाई करण्याची केली मागणी
ठाणे : राजगृहावरील हल्ल्याच्या निषेधार्थ रिपाइं आठवले गटाच्या वतीने वागळे ईस्टेट येथे तीव्र निदर्शने करण्यात आली.
राजगृह हे डॉ. बाबासाहेब आंबेडकर यांचे निवासस्थान आहे. बाबासाहेब आंबेडकर यांनी पुस्तकांसाठी हे घर बांधले होते. जगभरातील आंबेडकर अनुयायी येथे दररोज भेटीला येत असतात. इतकं महत्त्वाचे हे स्थान आहे. आंबेडकर अनुयायांसाठी हे महत्त्वाचे ठिकाण आहे. काल संध्याकाळच्या सुमारास दोन माथेफिरुंनी हा प्रकार केला.
सदर घटनेचा रिपब्लिकन पार्टी ऑफ इंडिया (आठवले) कामगार आघाडीचे महाराष्ट्र प्रदेश अध्यक्ष प्रदीपभाऊ कांबळे व सचिव गुणवंत नागटीळे व महाराष्ट्र प्रदेश सचिव भास्कर वाघमारे साहेब यांच्या आदेशाने , ठाणे जिल्हा उपाध्यक्ष शहाजीराव दुपारगुडे व ठाणे जिल्हा उपाध्यक्ष प्रल्हाद मगरे साहेब, ठाणे जिल्हा अध्यक्ष कामगार आघाडी अशोकभाऊ कांबळे यांच्या नेतृत्वाखाली ठाण्यातील वागळे इस्टेट विभागातील रामनगर रोड नं २८ येथे सोशल डीस्टंस ठेवून निषेध जाहीर करण्यात आला.
यावेळी शहर उपाध्यक्ष चंद्रकांत भंडारे, शाखा अध्यक्ष, अरुण सूर्यवंशी, कार्यकर्ते – सागर वाघमारे, बलभीम सोनकांबळे, शामु शिंदे,करण घाडगे, साहिल लोंढे, संतोष आदी पदाधिकारी उपस्थित होते .आरोपींवर तात्काळ कार्यवाही व्हावी म्हणून रिपब्लिकन पार्टी ऑफ इंडिया(आठवले) ठाणे जिल्हा उपाध्यक्ष शहाजीराव दुपारगुडे, प्रल्हाद मगरे व तसेच कामगार आघाडीचे ठाणे जिल्हा अध्यक्ष अशोकभाऊ कांबळे
यांच्याकडून मागणी करण्यात आली आहे तसेच आरोपींचा तातडीने शोध घेऊन अटक करुन कायदेशीर कारवाई करण्याची मागणी केली आहे कारवाई न झाल्यास पुन्हा ठाणे शहरात तीव्र आंदोलन करू असा इशारा सरकारला देण्यात आला आहे.
628 total views, 1 views today