नगराध्यक्ष ऍड प्रियेश जाधव यांची सूचना
बदलापूर : कोरोनाचा संसर्ग टाळण्यासाठीच्या उपाययोजनांचा एक भाग म्हणून शहराबाहेरून येणाऱ्या बदलापूर पालिकेच्या कर्मचाऱ्यांची बदलापुर शहरात निवासाची व्यवस्था करण्यात यावी अशी सूचना बदलापूरचे नगराध्यक्ष एड. प्रियेश जाधव यांनी केली आहे. नगराध्यक्ष ऍड. प्रियेश जाधव यांनी मुख्याधिकाऱ्यांकडे केली मागणी.
बदलापूर पालिकेचे जे कर्मचारी दैनंदिन कामकाजासाठी अन्य गावातून बदलापुर मध्ये येत आहेत, अशा कर्मचाऱ्यांची निवासाची सोय बदलापुर शहरात करण्यात यावी. जेणेकरुन कोरोनाचा संसर्ग होण्याची शक्यता कमी होईल. तसेच कर्मचाऱ्यांचा ये-जा करण्याचा वेळही वाचेल, असे नगराध्यक्ष ऍड प्रियेश जाधव यांनी मुख्याधिकारी प्रकाश बोरसे यांना दिलेल्या पत्रात नमूद केले आहे. सध्या कोरोनाचा प्रादुर्भाव टाळण्यासाठी लॉकडाऊन असले तरी अत्यावश्यक सेवेतील पोलीस, आरोग्य विभाग व इतर शासकीय कर्मचाऱ्यांना कामावर जावे लागत आहे. बदलापूर शहरातही असे अनेक कर्मचारी येत असून त्यांची निवासाची सोया करण्यात यावी असे जाधव यांनी आपल्या पत्रात म्हटले आहे.
अन्य शहरातून येणाऱ्या बदलापूर नगर परिषदेच्या ज्या कर्मचाऱ्यांना बदलापुरात रहायचे असेल त्यांच्यासाठी व्यवस्था करण्यात येत आहे. बीएसयूपीच्या एका स्वतंत्र इमारतीत त्यांची राहण्याची व जेवणाची व्यवस्था करण्यात आली आहे. त्याचप्रमाणे बदलापुरातून अन्य शहरात जाणाऱ्या अत्यावश्यक सेवेतील कर्मचाऱ्यांच्या नोंदी घेण्याचे काम पालिकेने सुरू केले असल्याचे मुख्याधिकारी प्रकाश बोरसे यांनी सांगितले.
747 total views, 1 views today