भारताचा पुरुष व २२ वर्षाखालील मुलांच्या संघाचा सहभाग
मुंबई : जागतिक इनडोअर क्रिकेट महासंघाने (WICF) ८ ते १५ ऑक्टोबर या कलावधीत इनडोर क्रिकेट विश्वचषक ऑस्ट्रेलियात आयोजित केला आहे. या स्पर्धेत भारतासह, श्रीलंका, ऑस्ट्रेलिया, इंग्लंड, न्यूझीलंड, दक्षिण आफ्रिका, यूएई, व सिंगापूर हे आठ संघ सहभागी झाले आहेत. तर २२ वर्षाखालील गटात भारतासह ऑस्ट्रेलिया, दक्षिण आफ्रिका व न्यूझीलंड हे संघ सहभागी झाले आहेत. २०१४ साली न्यूझीलंड व २०१७ साली दुबई येथे झालेल्या विश्वचषक स्पर्धेत भारतीय संघ चौथ्या स्थानी राहिला होता. त्यामुळे या विश्वचषक स्पर्धेत भारतीय संघातील खेळाडूंवर मोठी कामगिरी करण्याची जबाबदारी असेल.
पुरुषांचा भारताचा पहिला सामना इंग्लंड विरुध्द ९ ऑक्टोबर रोजी भारतीय वेळेनुसार सकाळी ११:३० वाजता सुरू होणार आहे. दूसरा सामना सिंगापूर विरुध्द १० ऑक्टोबर रोजी सकाळी ७:३० वाजता होणार आहे. तिसरा सामना विश्वचषक विजेतेपदाचा दावेदार असलेल्या ऑस्ट्रेलिया विरुध्द १० ऑक्टोबर रोजी दुपारी १:३० वाजता होणार आहे. चौथा सामना यूएई विरुध्द ११ ऑक्टोबर रोजी सकाळी ५:३० वाजता होणार असून पाचवा सामना त्याच दिवशी श्रीलंके विरुध्द दुपारी १:३० वाजता होणार आहे. सहावा सामना १२ ऑक्टोबर रोजी दुपारी १:३० वाजता न्यूझीलंड विरुध्द होणार असून सातवा व शेवटचा साखळी सामना १३ ऑक्टो. रोजी दुपारी १:३० वाजता दक्षिणआफ्रिके विरुध्द होणार आहे. १४ ऑक्टोबर रोजी उपांत्य व १५ ऑक्टोबर रोजी अंतिम सामने होतील.
२२ वर्षाखालील भारतीय संघ ९ ऑक्टोबर रोजी भारतीय वेळेनुसार सकाळी ३:३० वाजता ऑस्ट्रेलिया विरुध्द खेळणार आहे. १२ ऑक्टोबर. रोजी सकाळी ७:३० वाजता द. आफ्रिके विरुध्द व १३ ऑक्टोबर रोजी सकाळी ७:३० वाजता न्यूझीलंड विरुध्द खेळेल.
भारतीय पुरुष संघ : गिरीश के. जी. (कर्णधार) धनुश भास्कर (उप कर्णधार), एरीज अजीज, दैविक राय, खिजर अहमद, रुमान चौधरी, मोहसिन नदाम्माल, नामशीद वायप्रथ, सूरज रेड्डी, विजय गौडा, यतीश गौडा, संदीप मायांना (प्रशिक्षक) व एम. एस. पुंजा (व्यवस्थापक).
246 total views, 1 views today