ठाणे – एन.एस.एफ.डी.सी., नवी दिल्ली यांच्या माध्यमातून महात्मा फुले मागासवर्ग विकास महामंडळ यांच्या मार्फत कोविड-19 या जागतिक महामारीत अनुसूचित जातीच्या कुटुंबप्रमुखाचा दि.15 जून 2021 पर्यंत मृत्यु झाला आहे. त्या कुटुंबियांचे पुनर्वसन करण्यासाठी (and Support for Marginalized Individuals for Livelihoods and Enterprise (SMILE)) ही व्यवसायासाठी कर्ज देण्याची योजना विचाराधीन आहे. सदर योजनेची माहिती आणि अटी व शर्ती पुढीलप्रमाणे आहे.
तपशील / प्रकल्प (मूल्य रुपये 1.00 लाख ते 5.00 लाखापर्यंत) (एन.एस.एफ.डी.सी.) सहभाग 80 टक्के, भांडवल 20 टक्के, व्याजदर 6 टक्के, परतफेडीचा कालावधी 6 वर्षे आहे.
पात्रता :- अर्जदार अनुसूचित जातीतील असावा. अर्जदाराचे वार्षिक उत्पन्न रुपये 3.00 लाख पर्यंत असावे. अर्जदार हा कोरोनामुळे मृत्यू पावलेल्या कुटुंब प्रमुखाच्या कुटुंबातील सदस्य असावा (कुटुंब प्रमुखाच्या रेशनकार्डवर सदर सदस्याचे नाव असणे बंधनकारक). मृत्यू पावलेल्या व्यक्तीची वयोमर्यादा 18 ते 60 च्या दरम्यान असावी. मृत्यू पावलेल्या कुटुंब प्रमुखाची मिळकत एकूण मिळकतीपेक्षा जास्त असणे आवश्यक आहे. कोरोनामुळे मृत्यू व्यक्तींकरीता पुढीलपैकी एक दस्तावेज आवश्यक आहेत.
महानगरपालिका / नगरपालिका यांनी दिलेले मृत्यू प्रमाणपत्र. स्मशानभूमी प्राधिकरणाने दिलेली पावती. एखादया गावात स्मशानभूमी नसल्यास गट विकास अधिकाऱ्याने दिलेले मृत्यू प्रमाणपत्र.
आवश्यक कागदपत्रे :- मयत व्यक्तीचे नाव व पत्ता, आधारकार्ड, उत्पन्नाचा दाखला (3.00 लाखा पर्यंत), कोविड-19 मुळे मरण पावलेल्या व्यक्तीचा मृत्यूचा दाखला, रेशन कार्ड, वयाचा पुरावा.
कोविड – 19 च्या प्रादुर्भावामुळे मृत्यू झालेल्या कुटुंबातील व्यक्तीने उपरोक्त वरील माहिती दि.30 जून, 2021 पर्यंत महामंडळाच्या जिल्हा कार्यालयात अथवा ह्या लिंकवर http://forms.gle/7mG8CMecLknWGt6K7 भरण्यात यावी. असे जिल्हा व्यवस्थापक महात्मा फुले मागासवर्ग विकास महामंडळ मर्यादित (सामाजिक न्याय व विशेष सहाय्य विभाग) ठाणे यांनी कळविले आहे
453 total views, 1 views today