अजिंक्य पवार २००१ साली महाराष्ट्र लोकसेवा आयोगाच्या परीक्षेतून प्रशासकीय सेवेत रुजू झाले असून त्यांना १६ वर्षाचा प्रशासनाचा अनुभव आहे.
ठाणे : ठाणे जिल्हा परिषदेच्या उप मुख्य कार्यकारी अधिकारी ( प्रशासन ) पदी अजिंक्य पवार यांची नियुक्ती झाली आहे. त्यांनी आज पदाचा पदभार स्वीकारला. यापूर्वी ते उप मुख्य कार्यकारी अधिकारी ( ग्रा.पं. ) , जिल्हा परिषद उस्मानाबाद येथे कार्यरत होते. सन २००१ साली महाराष्ट्र लोकसेवा आयोगाच्या परीक्षेतून प्रशासकीय सेवेत रुजू झाले. त्यांना १६ वर्षाचा प्रशासनाचा अनुभव आहे.
पवार यांनी यापूर्वी उप मुख्य कार्यकारी अधिकारी ( ग्रा.पं. ) उप मुख्य कार्यकारी अधिकारी ( सा.प्र . )जिल्हा परिषद बुलढाणा, गट विकास अधिकारी , पंचायत समिती गेवराई, पंचायत समिती खेड , पंचायत समिती घनसांगवी, आदी पदांवर काम केले आहे.
प्रशासनात काम करताना त्यांनी केलेल्या उल्लेखनीय कामगिरी बद्दल त्यांचा वेळोवेळी सन्मान करण्यात आलेला आहे. यामध्ये Panchayat Enterprises Suit ( PES ) अंतर्गत PRIA Soft मध्ये शुभारंभ वर्षात उत्तम काम केल्याबद्दल शासनाने अभिनंदन व सत्कार केला . PES साठी मास्टर ट्रेनर म्हणून MoPR व NIC दिल्ली च्या संयुक्त विद्यमाने आयोजित नॅशनल वर्कशॉप २०१२ मध्ये पंचमढी मध्यप्रदेश मध्ये राज्याचे प्रतिनिधीत्व केले. तसेच उपमुख्य कार्यकारी अधिकारी ( ग्रा.पं ) म्हणून जिल्हा परिषद बुलढाणा येथे काम करत असतांना जि.प. उपकर दर व आठवडी बाजार दरांमध्ये वाढ करून जिल्हा परिषदेचे स्व – उत्पन्न वाढविले .
549 total views, 1 views today