मार्चमहिन्यापासून पगार मिळालेला नाही, उपोषणाला बसण्याचा इशारा
कल्याण : कोरोना लॉकडाउन मुळे सर्वच शाळा बंद असल्याने अनुदानीत शासनमान्य शाळेतील सर्व शिक्षकांचे पगार सुरू असतांना राज्यातील विनाअनुदानित इंग्रजी तसेच मराठी माध्यमाच्या शाळांच्या शिक्षकांवर उपासमारीची वेळ आलेली आहे. राज्यातील इंग्रजी माध्यमाच्या सीबीएससी (cbse), आयसीएसई (icse) आयबी (ib) आणि स्टेट बोर्ड (state board) या शाळांच्या संस्था चालकांनी आपली मनमानी सुरू केली असून राज्यातील बहुतांश शाळांनी मार्च , एप्रिल पासून शिक्षकांना पगार देणे बंद केलेला आहे.
या शिक्षकांना संस्था स्तरावर मानधन स्वरूपात पगार दिला जातो अनेक वर्षापासून शिक्षक या शाळांमध्ये कार्यरत आहेत पगार न झाल्यामुळे राज्यातील लाखो शिक्षकांवर उपासमारीची वेळ आलेली आहे. या शिक्षकांवर होणाऱ्या अन्यायाविरुद्ध महाराष्ट्र राज्य क्रीडा संघर्ष समितीच्या वतीने अध्यक्ष आमदार नरेंद्र पवार, सचीव अविनाश ओंबासे, कार्याध्यक्ष गुलाबराव पी. पाटील, उपाध्यक्ष अनिल बोरनारे, प्रा.उदय नाईक यांनी मुख्यमंत्री व शिक्षणमंत्री यांना निवेदन देऊन शिक्षकांवर होणारा अन्याय दूर करण्यासाठी विनंती केली आहे. लवकरात लवकर निर्णय घेऊन राज्यातील शिक्षकांना न्याय द्यावा. अशी विनंती केली आहे शिक्षकांना न्याय मिळाला नाही तर समीतीचे सर्व पदधिकारी लक्षम इंगळे, गुलाबराव पाटील, सुप्रिया नायकर, महादेव शिरसागर, कृष्णा माळी, विलास वाघ , अनिल शेजवळ, दशरथ आगवणे, गजानन वाघ, संतोष पाठक, विजय सिन्ह, सागर कावळे, आणि इतर सर्व सदस्य सोशल डिस्टंसिंग चा वापर करून उपोषणाला बसण्याची तयारी करत आहेत. असे संघर्ष समीतीचे अध्यक्ष नरेंद्र पवार यांनी सांगितले
419 total views, 1 views today