आमदार निरंजन डावखरे यांच्याकडून विद्यार्थ्यांना बक्षीसे
ठाणे : वार्षिक परीक्षेचा ताण हलका करण्यासाठी एक्झाम वॉरियर्स'नी चित्रे रेखाटून काही काळ तणावापासून मुक्ती घेतली. वागळे इस्टेट येथील के. बी. पी. महाविद्यालयाच्या प्रांगणात शुक्रवारी झालेल्या या कार्यक्रमाला भाजपाचे शहराध्यक्ष व आमदार निरंजन डावखरे यांनी भेट देऊन विद्यार्थ्यांचे कौतुक केले. तसेच विजेत्यांना बक्षीसे दिली. वाढत्या शैक्षणिक स्पर्धेतून विद्यार्थी-विद्यार्थीनींच्या मनावर मोठा ताण येतो. साधारणत: डिसेंबरपासून दहावी-बारावीच्या विद्यार्थी सतत तणावात असतात. या विद्यार्थ्यांसाठी पंतप्रधान नरेंद्र मोदी यांच्याकडून २७ जानेवारी रोजीपरीक्षा पे चर्चा’ कार्यक्रमांतर्गत संवाद साधला जात आहे. तत्पूर्वी ठाण्यातील विद्यार्थ्यांना तणावमुक्त करण्यासाठी वागळे इस्टेट येथे काल `एक्झाम वॉरियर्स आर्ट कॉम्पिटीशन’ स्पर्धा घेण्यात आली. त्यात कोपरी-पाचपाखाडी विधानसभा मतदारसंघातील सात शाळांमधील नववी ते बारावी विद्यार्थी सहभागी झाले होते. या विद्यार्थ्यांनी जी-२० – जागतिक विश्वगुरू बनण्याच्या दृष्टीने भारताची वाटचाल, आझादी का अमृत महोत्सव, सर्जिकल स्ट्राईक, कोरोना लसीकरणामध्ये भारत नंबर १, पंतप्रधानांच्या जनसेवेच्या विविध योजना, स्वच्छ भारत अभियान, आत्मनिर्भर भारत, आंतरराष्ट्रीय योगदिन-मोदीजींनी वेधले जगाचे लक्ष, बेटी बचाव-बेटी पढाव, चुलीतल्या धुराच्या त्रासातून मुक्त महिला-मोदीजींचा संवेदनशील निर्णय आदी विषय विद्यार्थ्यांसाठी निश्चित करण्यात आले होते. या स्पर्धेतील विजेत्यांना आमदार निरंजन डावखरे, भाजपाचे शहर उपाध्यक्ष सचिन मोरे यांच्या हस्ते बक्षीसे देण्यात आली.
7,054 total views, 1 views today